Хүлэг Интернэшнл сургууль нь сурагчдаа олон улсад хүлээн зөвшөөрөгдсөн шалгалтуудад бэлтгэхийн зэрэгцээ гадаадын их, дээд сургуульд элсэн суралцахад шаардлагатай мэдлэг, ур чадвар, чиг баримжаагаар ханган ажилладаг. Сурагчид IELTS болон SAT шалгалтын бэлтгэлийг долоо хоног бүрийн сонгон суралцах хичээлээр үздэг бол хятад хэл болон HSK шалгалтын бэлтгэл нь 6–12-р ангийн сургалтын хөтөлбөрт багтдаг.
Системтэй сургалт, тогтмол дасгал ажил болон багшийн зөвлөгөө, дэмжлэгээр дамжуулан сурагчид зорьсон оноондоо хүрэх, цаашдын боловсролын зорилгоо хэрэгжүүлэхэд шаардлагатай мэдлэг, ур чадвар, өөртөө итгэх итгэлийг хөгжүүлнэ.
IELTS шалгалтын бэлтгэл
IELTS нь дэлхийн олон орны их, дээд сургууль, коллежид хүлээн зөвшөөрөгддөг англи хэлний түвшин тогтоох олон улсын шалгалт юм. Тус шалгалт нь сонсох, унших, бичих, ярих гэсэн хэлний үндсэн дөрвөн чадварыг үнэлдэг.
IELTS-ийн бэлтгэл хичээлээр сурагчид академик англи хэлний чадвараа хөгжүүлж, шалгалтын хэсэг бүрийн бүтэц, даалгаврын онцлогтой танилцана. Мөн түгээмэл даалгаврын төрлүүд дээр ажиллаж, цагаа зөв хуваарилах арга барилд суралцан, шалгалтаа итгэлтэй өгөхөд бэлтгэнэ.
SAT шалгалтын бэлтгэл
SAT нь сурагчдын унших, бичих болон математикийн чадварыг үнэлдэг их сургуулийн элсэлтийн шалгалт юм. SAT-ийн оноог ялангуяа АНУ-ын олон их, дээд сургууль элсэлтийн үнэлгээндээ харгалзан үздэг бөгөөд зарим тохиолдолд тэтгэлэгт хөтөлбөрт хамрагдахад давуу тал болдог.
SAT-ийн бэлтгэл хичээлээр сурагчид суурь мэдлэгээ бататгаж, задлан шинжлэх, асуудал шийдвэрлэх болон шалгалт өгөх арга барилаа хөгжүүлнэ. Тэд шалгалтын бүтэцтэй танилцаж, цагаа үр дүнтэй хуваарилах дадал эзэмшин, унших, бичих болон математикийн хэсэгт өөртөө итгэлтэй ажиллах чадвартай болно.
Хятад хэл болон HSK шалгалтын бэлтгэл
Хятад хэлийг 6–12-р ангийн сургалтын хөтөлбөрийн хүрээнд үе шаттайгаар заадаг. Сурагчид сонсох, ярих, унших, бичих чадвараа хөгжүүлэхийн зэрэгцээ хятад хэл, соёлын талаарх мэдлэгээ өргөжүүлнэ.
Сурагчдыг 10-р ангиа төгсөхдөө HSK 1-р түвшинд хүрсэн байх зорилгоор бэлтгэж, 11–12-р ангид илүү ахисан түвшинд суралцахад нь дэмжлэг үзүүлдэг.
HSK (Hanyu Shuiping Kaoshi) нь хятад хэл нь төрөлх хэл биш суралцагчдын хэлний мэдлэг, чадварыг үнэлдэг олон улсын стандарт шалгалт юм. HSK 1-р түвшин нь өдөр тутмын энгийн харилцаанд хэрэглэгдэх хятад хэлний үг, өгүүлбэрийг ойлгож, ашиглах суурь чадвартайг илэрхийлнэ.
11–12-р ангид сурагчдыг илүү ахисан түвшинд суралцахад нь дэмжлэг үзүүлнэ.
Гадаадад суралцахад чиглүүлэх нь
Гадаадын их, дээд сургуульд суралцах хүсэлтэй сурагчдад шалгалтын бэлтгэлээс гадна их сургууль, мэргэжлийн хөтөлбөр сонгох, элсэлтийн шаардлагыг судлах, өргөдөл гаргах болон тэтгэлгийн боломжоо тодорхойлоход нь зөвлөгөө, чиглүүлэг өгдөг.
БНХАУ-д суралцах сонирхолтой сурагчид HSK-ийн шаардлага, Хятадын их, дээд сургууль болон академик хөтөлбөрүүд, элсэлтийн үйл явц, тэтгэлгийн боломжийн талаар тусгайлсан мэдээлэл, зөвлөгөө авах боломжтой.
Энэхүү цогц бэлтгэлээр дамжуулан Хүлэг Интернэшнл сургууль нь сурагчдаа олон улсын шалгалтад амжилттай оролцох, цаашдын боловсролын зорилгоо тодорхойлох, дэлхийн улс орнуудад дээд боловсрол эзэмших дараагийн алхмаа итгэлтэй хийхэд нь дэмжин ажилладаг.